هــواك طوفـني معـك في مســاريــك

جذبتنــي بألوان خــط الحيا فيـــك

لونــت عمــري بالمحبـــه وذاتـــي

مثل النــدى للورد بالقلـــب طاريـــك

ربيــع قلبــي شوفتــك يا غنـــاتــي

أهــوى نهــارك .. وأتعشق ليالـــيك

 وآزن على نبـــرة حديثــك غنـــاتـــي

سحـــاب .. أنــا من بدة الناس مغليــك

هاااااااااااااااي

طبعا انا جديده في عالم السبيسات

وهذي محاولتي الأولى بس بجد تعبت فيه كثير

يارب يعجبكم السبيس وماتملون منه وتحصلون فيه اللي يفيدكم

 

(¯`·._.· مغرور ·._.·°¯)

 

 

اعجبتني

v

v

مغرور وانا عزتي فوق ظنك

بدري.. انزل هامتي لاجل اراضيك

دام التعالي صار طبعك ووقتك

تموت ماتلمس يديني ايديك

اذل قلبي بس مانذل منك

تحلم إذا ظنيت يوم اناديك

ماهوب انا اللي يخدعه ضحك سنك

إن ماصحيت !الوقت بكره يصحيك

ولى زمان كنت اجامل واحنك

واليوم مايأثر على القلب طاريك

اليوم حتى هرجتي لك بامنك

وأمن بردي لك ليا قلت وش فيك؟

ادبك ياشين حتى لو انك

في مامعنى تعطيني الهرج واعطيك

بدري..وانا ذكرى لاصار ظنك

اني انزل هامتي لاجل اراضيك

 

 

الوداع الاخير

 

تهاوت رحلة ايامي في ركن الخوف والحسره

وبديت اضعف مثل ظلي وارمي بالعمر خلفي

تصورت القدر حاجز زجاج من السهل كسره

ولكني جرحت اناملي حتى دمع طرفي

وعشت اليأس والحيرة بشوق ينتظر بكره

ولا هان الألم عندي ونصفي مل من نصفي

يميني خانت حروفي وهانت عندها العشرة

ومن يكتب لي اشعاري اذا ماخانني كفي

وهل ارتاح واحساسي مجرد حلم او فكره؟!

او احذف باقي اوراقي واودع فكري المنفي

تمنيت ارحل لعالم عليه الفاتحه تقرأ

ورفض موتي يواجهني بوجه القادم المخفي

فهل شفتو جسد ميت رفض يستقبله قبره

انا هذي معاناتي وأظن اللي مضى يكفي

ابترجى الزمن واحمل على كتفي عنا دهره

ماعادت فيني القوه على اقناعه يجي صفي

انا من يوم ميلادي ماحني راسي بالمره

ولكن ماتحملته عجز لايشمله وصفي

وانا اللي كنت بالاول عنيده قاسيه حره

بديت اضعف وانا اكره مجرد ضعفي لضعفي

^

^

كلمات احببت نقلها لسبيس

 

 

اهدي سبيسي هذا لاهلي واحبابي وكل من زارني

 

 

أشـيـاء تـؤلـم عـنـد وقـوعـهـا 

 

 

 

أن تخسـر أشياء لم يكن في حسبانك خسرانها

أن تفتح عينيك يوماً على واقع لا تريده

أن تحصي عدد إنتكاساتك فيعجزك العد

أن تتمنى عودة زمان جميل إنتهى

أن تتذكر إنساناً عزيزاً رحل بلا عوده

أن تكتشف أن لا أحداً حولك سواك

أن تقف أمام المرآة فلا تتعرف على نفسك

أن تنادي بصوت مرتفع فلا يصل صوتك

أن تشعر بالظلم وتعجز عن الإنتصار لنفسك

أن تبدأ تتنازل عن أشياء تحتاج إليها بإسم الحب

أن تضطر إلى تغيير بعض مبادئك لتساير الحياة

أن تضطر يوماً إلى القيام بدور لا يناسبك

أن تمر عليك لحظه تتمنى التخلص فيها من ذاكرتك

أن تصل يوماً إلى قناعه أن كل من مر بك أخذ جزءً منك ومضى

 قالوا إنك تحب وقلت ليه السؤال 

كل شخص ٍ يحب وكل شخص ٍ يميل ..

والهوى ديرة ٍ ما بين صد ووصال ..

دوم فيها نزول ودوم فيها رحيل ..

يا عرب والقلوب أشوفها بألف حال ..

بين قلب جريح وبين قلب ٍ قتيل ..

والا أنا لو باحب أحب بنت الخيال ..

نادره ما لها بالناس شبه ومثيل ...

فاتنة ناعمه فيها هدوء ودلال ..

حاوية كل زين وكل طبع ٍ أصيل ..

من يعرف الجمال يقول هيّ الجمال

وصفها في قصيدي يشبه المستحيل

كن في وجهها صبح ٍ ضحك لي وقال

يا صباح المحبة من خليل لخليل ..

وكن في عينها رمش ٍ ينادي تعال ..

واعذابي من الرمش الكسول الكحيل ..

شعرها ليل ٍ أسود فيه صمت وجدال ..

إن تحرك يضيع الصبح بأطراف ليل ..

إن تناثر جديله من يمين وشمال ..

ضمني في بياض الصدر تحت الجديل ..

والشفايف مثل جمر ٍ يزيد اشتعال ..

ودي أضمّ جمره لين أشبّ الفتيل ..

إن مشت كنها غصن ٍ مع الريح مال ..

هزّه الشوق من فوق خصر ٍ نحيل ..

كن فيها رسوخ ٍ علّمته الجبال ..

وكن فيها شموخ ٍ علّمته النخيل ..

تجمع الكل فيها من جمال الخصال ..

بنت قلب ٍ رشيد وبنت عقل ٍ ثقيل ..

كامله والله اللي يستحق الكمال

صورة ٍ كل ما فيها فريد وجميل ..

يعجز الشعر عنها حتى لو في الخيال ..

كنه يقول يا ناصر ترى مستحيل